മനാമ: ബഹ്‌റൈനിലെ പത്തനംതിട്ട ജില്ലക്കാരുടെ കൂട്ടായ്മയായ പത്തനംതിട്ട ജില്ലാ പ്രവാസി അസോസിയേഷൻ, സൽമാനിയ ബ്ലഡ് ബാങ്കുമായി സഹകരിച്ച് രക്തദാന ക്യാമ്പ് സംഘടിപ്പിച്ചു. ക്യാമ്പിൽ 95-ഓളം പേർ രക്തദാനം നടത്തി.

സമൂഹത്തോടുള്ള ഉത്തരവാദിത്വവും മാനുഷിക മൂല്യങ്ങളും ഉയർത്തിപ്പിടിച്ചുകൊണ്ട് സംഘടിപ്പിച്ച ക്യാമ്പിന് അസോസിയേഷൻ ഭാരവാഹികളും എക്സിക്യൂട്ടീവ് കമ്മിറ്റി അംഗങ്ങളും നേതൃത്വം നൽകി.

സെക്രട്ടറി സുനു കുരുവിള, വൈസ് പ്രസിഡന്റ് മോൻസി ബാബു, രക്ഷാധികാരി വർഗീസ് മോഡിയിൽ, ട്രഷറർ വിനീത് വി.പി., ജോയിന്റ് സെക്രട്ടറി സിജി തോമസ്, ജോയിന്റ് ട്രഷറർ അനിൽ കുമാർ, മെഡിക്കൽ കോർഡിനേറ്റർ റോബിൻ ജോർജ് എന്നിവരും മറ്റ് എക്സിക്യൂട്ടീവ് കമ്മിറ്റി അംഗങ്ങളും ക്യാമ്പിന്റെ പ്രവർത്തനങ്ങളിൽ സജീവമായി പങ്കെടുത്തു.

ബഹ്‌റൈൻ മാർത്തോമാ ചർച്ച് അസിസ്റ്റന്റ് വികാരി ഫാദർ സാമുവേൽ വർഗീസും ക്യാമ്പിൽ പങ്കെടുത്ത് രക്തദാനം ചെയ്തു. സഹകൺവീനർ ലെയ അനിലും ക്യാമ്പിന്റെ ഏകോപന പ്രവർത്തനങ്ങളിൽ സജീവമായി പ്രവർത്തിച്ചു.

ക്യാമ്പുമായി സഹകരിച്ച സൽമാനിയ ബ്ലഡ് ബാങ്ക് അധികൃതർക്കും രക്തദാതാക്കൾക്കും സന്നദ്ധ പ്രവർത്തകർക്കും അസോസിയേഷൻ അംഗങ്ങൾക്കും അസോസിയേഷന്റെ പേരിൽ കൺവീനർ റോബിൻ ജോർജ് നന്ദി അറിയിച്ചു.

ബഹ്‌റൈൻ സമൂഹത്തിന് ആവശ്യമായ ഘട്ടങ്ങളിൽ കൈത്താങ്ങാകുന്നതിനും സാമൂഹിക പ്രതിബദ്ധതയോടെ പ്രവർത്തിക്കുന്നതിനുമുള്ള പത്തനംതിട്ട ജില്ലാ പ്രവാസി അസോസിയേഷന്റെ പ്രതിബദ്ധത ഒരിക്കൽ കൂടി വ്യക്തമാക്കുന്നതായിരുന്നു രക്തദാന ക്യാമ്പ്.

----------------

പത്തനംതിട്ട പ്രവാസി അസോസിയേഷൻ മെമ്പർഷിപ്പ് രജിസ്ട്രേഷൻ ഫോം

👉 Registration Form : https://forms.gle/WoMz9wBNn5RUnZrT8 👈
കൂടുതൽ വിവരങ്ങൾക്ക് :- +97334619002

അസോസിയേഷൻ വെബ്സൈറ്റ് : https://www.papabahrain.com/
അസോസിയേഷൻ വാർത്തകൾ : NEWS
നോർക്ക (Norka ID Card) : https://papabahrain.com/norka_registration.html
എക്സിക്യൂട്ടീവ് കമ്മറ്റി : https://www.papabahrain.com/executives.html
അസോസിയേഷൻ ജോബ് സെൽ : Whatsapp Chanel Link
വിവിധ വെബ് ലിങ്ക് : https://www.papabahrain.com/services.html